ვინილის იატაკი – პრაქტიკულობა, სტილი და კომფორტი ერთად

 

დღესდღეობით იატაკის საფარის შერჩევა მხოლოდ ესთეტიკაზე აღარ არის დამოკიდებული — მომხმარებლები ეძებენ ისეთ გადაწყვეტილებებს, რომლებიც აერთიანებს ვიზუალურ ელეგანტურობას, გამძლეობას და მოვლის სიმარტივეს. სწორედ ასეთია ვინილის იატაკი - რომელიც იდეალურად ერგება როგორც სახლის, ასევე ისეთ  სივრცეებს როგორებიცაა: სამედიცინო და სასწავლო დაწესებულებები, სპორტული დარბაზები. 

 

რა არის ვინილის იატაკი?

ვინილის იატაკი წარმოადგენს მრავალშრიან მასალას, რომელიც სპეციალურადაა შექმნილი ყოველდღიური ცვეთის წინააღმდეგ. ის შეიძლება იყოს  სხვადასხვა ტექსტურის ან ფერის მქონე.

 

 

ვინილის იატაკის მთავარი უპირატესობები : 

 

ხარისხი : მისი  ერთ-ერთი უდიდესი უპირატესობა მისი გამძლეობაა. თანამედროვე ვინილის იატაკი უძლებს ინტენსიურ გამოყენებას, სიმძიმეს, იტანს ნაკაწრებს. შესაბამისად, კარგი ხარისხის ვინილის იატაკი 15-20 წელი უპრობლემოდ გაგიძლებთ, რა თქმა უნდა, სათანადოდ მოვლის პირობებში. 

წყალგამძლე და ანტისტატიკური : ვინილის იატაკი 100%-ით წყალგამძლეა და განსხვავებით ხისგან, ლამინატისგან ან პარკეტისგან. იგი არ იბერება, არ განიცდის დეფორმაციას და არ ზიანდება წყლით. ამიტომ შეგიძლიათ, თავისუფლად გამოიყენოთ მაღალი ტენიანობის მქონე სივრცეებისა და ადგილებისთვის.

თუმცა, ყველაზე ხშირად  ვინილის იატაკი კი გამოიყენება სამედიცინო და სასწავლო დაწესებულებებში, სპორტულ დარბაზებში. ელასტიური საფარის ზედაპირი დაცულია პოლიურეთანის დამცავი ფენით PUR Protect®, რაც უზრუნველყოფს მის დამატებით მედეგობას მექანიკური და ქიმიური დატვირთვებისადმი.

აქვს ანტიბაქტერიული და სოკოსგან დამცავი  თვისებები. ვინილის იატაკს გააჩნია აგრეთვე ანტისტატიკური თვისებები, რაც აუცილებელი პირობაა ფართებისთვის, სადაც განთავსებულია დიაგნოსტიკური, ტრანსმისიური და საკონტროლო-საზომი აპარატურა.

მარტივი მონტაჟი : ვინილის იატაკის დაგება შესაძლებელია თითქმის ნებისმიერ ზედაპირზე, მას შემდეგ, რაც საფარს მინიმალურ დონეზე მოამზადებთ. თანამედროვე სისტემის მქონე ვინილის ფილები საშუალებას იძლევა რამდენიმე მარტივი მეთოდით დააგოთ, თუმცა სპეციალისტზეა დამოკიდებული მონტაჟის რომელ ხერხს შეარჩევს. 

კომფორტი: თანამედროვე ვინილის იატაკი უზრუნველყოფს დამატებით კომფორტს და ხმის იზოლაციას.

მარტივი მოვლა და სისუფთავე: ვინილის იატაკის მოვლა უკიდურესად მარტივია. არ საჭიროებს სპეციალურ საშუალებებს, როგორც, მაგალითად, ხის იატაკი. არ მოგიწევთ ნერვიულობა იმაზე, თუ რამე დაგეღვარათ, რადგან კვალს არ ტოვებს, ჭუჭყი არ ჯდება და სველი წმენდით რამდენიმე წამში სუფთავდება.

ბიუჯეტური: ვინილის იატაკი გაცილებით იაფია, ვიდრე ბუნებრივი ხის, ქვის ან კერამიკული ფილის. 

ეკოლოგიურად სუფთა მასალა : თანამედროვე სამყაროში ყველა ცდილობს, ეკოლოგიურად სუფთა ნივთები შეიძინოს,  შეამციროს გარემოზე ზემოქმედება. შესაბამისად, ვინილის იატაკის მწარმოებლებიც სულ უფრო მეტ ყურადღებას აქცევენ ეკოლოგიურად სუფთა მასალებს და ცდილობენ, პროდუქტიც ასეთივე პრინციპით აწარმოონ.

აღნიშნული გადაწყვეტა ადაპტირებულია თანამედროვე ცხოვრების ტემპთან – გეხმარება სივრცის ესთეტიკური და პრაქტიკული მოწყობაში, მინიმალური ძალისხმევით.